Mazali serb taomi — chevapchichi tayyorlab ko‘ring

Ushbu serb taomidagi qiymani yangi sarimsoq, qalampir va ozgina osh sodasi xushxo‘r qiladi. Noodatiy tarkibiy qism go‘shtni yumshatadi, kaboblarni sersuv va mazali qiladi.

• sarimsoq — 4 bo‘lak;
• petrushka —  ½ bog‘; 
• mol go‘shtidan qiyma — 1 kg;
• tuz —1 choy qoshiq;
• paprika (maydalangan qizil qalampir) —1 choy qoshiq;
• maydalangan qora murch — 1 choy qoshiq;
• osh soda —1 choy qoshiq;
• suv — 50 ml;
• zaytun moyi — 1 osh qoshiq.

Tayyorlanish jarayoni: 

1. Sarimsoqni tozalab, qirg‘ichdan o‘tkazing. Petrushkani ham maydalang.
2. Qiymaga sarimsoq, petrushka, tuz va ziravorlar qo‘shib, yaxshilab aralashtiring.
3. Sovuq suvga osh sodasi solib, aralashmani qiymaga quying. 5 daqiqa davomida yaxshilab aralashtiring.
4. Qiymadan kabobchalar yasang. Tovada zaytun moyini qizdiring.
5. Chevapchichini har ikki tomoni qizarguncha 3-4 daqiqa davomida qovuring.

Yoqimli ishtaha!